Asosiy Maqsadlar

1. Milliy eksport salohiyatini kuchaytirish:

O‘zbekistonda ishlab chiqarilgan mahsulotlar va xizmatlarni xalqaro bozorlarda ilgari surish, ularning hajmini oshirish orqali eksport ko‘lamini kengaytirish va iqtisodiyot rivojiga hissa qo‘shish.

2. Investitsiya salohiyatini yuksaltirish:

Mamlakat hududidagi hamda xorijdagi jismoniy va yuridik shaxslarni birlashtirgan holda O‘zbekistondagi mavjud investitsiya imkoniyatlarini xorijda faol targ‘ib qilish, chet ellik investorlar uchun qulay muhit yaratish orqali iqtisodiy o‘sishni jadallashtirish.

3. Milliy ko‘prikni shakllantirish:

Xorijda istiqomat qilayotgan yoki ta’lim olayotgan vatandoshlar, chet ellik investorlar va tadbirkorlar o‘rtasida mustahkam hamkorlik aloqalarini yo‘lga qo‘yish, ularni davlat idoralari bilan bog‘lovchi samarali muloqot platformasini yaratish.

4. Uzviy hamkorlikni rivojlantirish:

Davlat tashkilotlari, mahalliy ishlab chiqaruvchilar, eksportyorlar va xorijdagi hamkorlar o‘rtasida yaqin aloqalarni mustahkamlash, qo‘shma loyihalarni ishlab chiqish va amalga oshirish orqali iqtisodiy hamkorlikni kengaytirish.

5. Ilm-fan va tajriba almashinuvi:

Talabalar, tadqiqotchilar va mutaxassislar ishtirokida xalqaro seminarlar, konferensiyalar va ilmiy-amaliy loyihalarni tashkil etish orqali bilim va tajriba almashuvini kuchaytirish.